1
----------------
തുടങ്ങി ,
പടർന്ന്,
തുളച്ചുള്ളിലേക്കാഴ്
-ന്നിറങ്ങിയപ്പോഴാണ്
എനിക്ക്
നിന്റെ  പ്രണയം 
നഷ്ടപ്പെടുന്നത്.

എല്ലുകൾ
നുറുങ്ങിത്തീരുംപോലെ,
നെഞ്ചിൽ
ഭാരമേറിയ കല്ലുകൾ
അടുക്കിവെച്ചതുപോലെ
അതെന്നെ പിന്തുടരുന്നു.

ഒന്നുറക്കെ
കരയാൻ പറ്റാതെ
പകലുകളും,
രാത്രികളും
എന്നെ ശ്വാസം മുട്ടിക്കുന്നു.

പക്ഷെ,
എന്റെ അവസാനം വരെ
ഞാൻ  നിന്നെ പ്രണയിക്കും
കാരണം
എന്റെ തന്ത്രികൾ
മീട്ടുന്നത്
നിന്റെ രാഗങ്ങൾ
മാത്രമാണ്.

നീ എത്രതന്നെ അകന്നാലും
ഈ അനശ്വരമായ
പ്രണയരാഗത്തെ
അതെ താളത്തിൽ
ഞാൻ
കാത്തുസൂക്ഷിക്കും .

മണ്ണും, മരങ്ങളും
നിലാവും പൂക്കളുമൊന്നും
എനിക്കിനി
ബാക്കിയില്ലെന്നറിയാം
എങ്കിലും
ഈ കനത്ത വെയിലിൽ
കരിയാൻ തുടങ്ങുന്ന
ചില്ലകളിൽ
വിരലുകൾ ചേർത്തുവെച്ച്
ഞാൻ ഇരിക്കട്ടെ.

ഓർമ്മകളുടെ
കോരിത്തരിപ്പുകൾ
തിരയുന്ന
ഇലകൾക്കിടയിലൂടെയൊരു
നേർത്ത സ്വപ്നംപോലെ
നീ അണയുന്നതും കാത്ത്
ഞാനിരിയ്ക്കാം.

ഒരുറക്കം
കനത്ത്
കാറ്റിനൊപ്പം
ഭൂമിയോടു
ചേരും വരെ.

Comments

Post a Comment

Popular posts from this blog

വിടയപറയാൻ വരട്ടെ  കുറച്ച് കാര്യങ്ങൾ  ചെയ്തു തീർക്കാനുണ്ട്  അതു വരെ കാത്തിരിക്കുക.  അധികം വൈകാതെ  അനശ്വരതയെ പുല്കേണ്ടതുണ്ട് 
Read more

വിരലടയാളങ്ങള്‍....

Image
( പാബ്ലോ നേരുദക്കി ) എല്ലാം തിന്നുതീര്‍ക്കപെട്ട ശേഷിപ്പുകളാണ് നിന്‍റെ വിരലുകള്‍ തിരയുന്നത്. ഒരു കടല്‍, സമയം മുങ്ങിപ്പോയ സൂര്യന്‍റെ ചുംബനത്തില്‍ വറ്റി വരണ്ടത് പോലെ. നിന്‍റെ സ്നേഹത്തിന്‍റെ വിരലുകള്‍ എനിക്ക് നിലാവിന്‍റെ ചിറകുകള്‍ തന്നു . കെട്ടിപിടിച്ചപ്പോള്‍ പുഴയിരങ്ങിപ്പോയ കിതപ്പുകള്‍ അവസാനത്തെ വിരലുകള്‍ തേടി നിന്നു . നീ കുടിച്ചു തീര്കപെടാത്ത്ത നിറങ്ങളുടെ കാമുകന്‍ . അലഞ്ഞു തീരാത്ത കാഴ്ചയുടെ കൂട്ടുകാരന്‍ . നിന്നില്‍ സമയം മുങ്ങി തീര്‍ന്ന കപ്പലാണ് . പൂ വിട്ടുപോയ നിറങ്ങളാണ് . നീ ചിത്രമെഴുതാത്ത വിരലുകള്‍ ഉള്ളവന്‍ . ഓര്‍മ്മകള്‍ കെട്ടിയിട്ടവാന്‍ . നിന്‍റെ വിരലുകള്‍ തിരയുന്നത് ആരെയാണ് . ഒരിക്കലും ചുംബിച്ചിടാത്ത എന്നെയോ
Read more
ഇന്നെന്നെ ആവാഹിക്കുന്നത്  വിചിത്രമായ  ചിന്തകളാണ് , എന്നിൽ  അലയിടുന്നത് ചില്ലകളിൽ നിന്നൂർന്ന് വേരുകളിൽ ആളിക്കത്തുന്ന പ്രണയമാണ്. വിരഹം മരണത്തിന്റെ വരവുതേടി ഞരമ്പുകളിൽ ഞൊറിയിട്ട് തലച്ചോറിന്റെ വാതായനങ്ങളിൽ ഉളിച്ചിരുപ്പുണ്ട്. അറിയാതെ, നിറയാതെ, ഉണ്മയിൽ ഏതോ ഒരു പക്ഷി ചിറകടി മാത്രം വെടിഞ്ഞ് ഒരു രഹസ്യം പോലെ പറന്നു പോകുന്നു. കൊതി തീരും മുമ്പേ കടലെടുത്ത ദ്വീപുകൾക്ക് പറയാറുള്ളതത്രയും എനിക്കും പറയാനുണ്ട്. പിറക്കും മുന്നേ മരിച്ചവക്ക് മരണത്തിന്റെ വരവ് ഭയാനകമല്ലാത്ത സ്വാന്തനമെന്നപോലെ.
Read more